Германците го осудуваат, Турците го бранат – Озил доби поддршка и од Ердоган

Претседателот на Турција, Реџеп Таип Ердоган јавно ја поздрави одлуката на Месут Озил за напуштање на репрезентацијата на Германија.

„Разговарав со него вчера…Тие не можат да поминат преку тоа што тој објави фотографија заедно со мене. Го поздравувам неговиот став и одлуката да ја напушти репрезентацијата“, изјави Ердоган.

Озил во текот на вчерашниот ден соопшти дека се повлекува од репрезентација на Германија поради расизам и дискриминација кон луѓето со потекло од Турција, а неговата одлука ја поддржаа и голем дел од луѓето во владата на Турција.

29 годишниот играч за врска за репрезентацијата на Германија настапи на 92 натпревари, постигна 23 погодоци и запиша 40 асистенции. Во 2014 година го освои и Светското првенство.