Гвардиола: Повеќе не е така страшно да се оди на „Олд Трафорд“

Многу работи во борбата за титулата во Премиер лигата ќе бидат појасни после утрешното градско дерби на „Олд Трафорд“.

Манчестер Јунајтед го дочекува Манчестер Сити и доколку „граѓаните“ не победат, на Ливерпул му се отвара патот кон титулата.

„Важно е дека нашиот клуб е добро структуиран, но нема да коментирам што се случува во Јунајтед. Нашиот клуб во последната деценија многу порасна, па повеќе не е толку страшно да се гостува на Олд Трафорд. Сепак, мораме да го дадеме најдоброто од себе си за да победиме“, смета Гвардиола.

Пеп исто така ја коментираше и позицијата на Солскјер во Јунајтес со оглед на лошите резултати во последно време.

„Совршено го разбирам неговиот статус. Секој менаџер се чувствува сам во тешки ситуации. Тоа е реалност и мораме да ја прифатиме. Секако дека го поддржувам“, истакна каталонскиот стратег.

Сити моментално има два бода помалку од Ливерпул, а после овој натпревар, двете екипи ќе имаат по 35 одиграни натпревари.