Во петок Манчестер Сити доби шокантна вест за суспензија од Лигата на шампионите во наредните две сезони.
УЕФА го казни шампионот на Англија поради кршење на ФФП (финансискиот фер-плеј) и лажирањето на документи за спонзорските договори во периодот од 2012 до 2016.
Street Workout Macedonia – Движење што гради сила, карактер и издржливост | Уште еден поткаст
Секако дека ова е лоша вест за Сити, неиграњето во ЛШ во наредните две сезони може сериозно да го врати клубот назад, но Пеп Гвардиола е спремен да остане што и да се случи.
„Останувам тука без оглед на се. Дури и да не исфрлат во четвртата лига, јас ќе бидам тука. Ова е време во кое треба да се држиме заедно“, изјави Гвардиола за „Скај Спорт“.
Договорот на Гвардиоа истекува на крајот на сезоната 2020/2021. Сити во овој момент игра во осминафиналето и ќе се обиде да го освои најелитното клупско натпреварување со оглед на тоа дека е јасно дека Ливерпул ќе биде шампион во Премиер лигата.
Учество во игри на среќа е дозволено за лица со 18+ години. Играј одговорно!