Гвардиола: Ниту сум јас за Реал, ниту е Реал за мене!

Пеп Гвардиола експресно ги демантираше сториите за неговиот контакт со Реал Мадрид и истакна дека е фан на Барселона и не се гледа себе си на „Сантиаго Бернабеу“.

Новинар кој напиша две книги за Пеп Гвардиола вчера откри дека „кралевите“ стапиле во контакт со стратегот и се обиделе да го ангажираат како наследник на Рафа Бенитез.

„Ниту сум јас тренер за Реал Мадрид, ниту Реал Мадрид е тим што би го одбрал како погоден за мојата кариера. Да се разбереме, јас сум војник на Барселона, таму играв, таму бев тренер и тој клуб секогаш ќе биде во моето срце“, одговори Гвардиола.