Менаџерот на Манчестер Сити, Пеп Гвардиола истакна дека неговиот тим одиграл одлично против Спарта Прага во Лигата на шампионите и го пофали акробатскиот гол на неговиот играч Ерлинг Халанд.
Зошто проблемот со улични кучиња СÈ УШТЕ постои? | Уште еден поткаст
„Одигравме добро. Не очекував дека ќе се бранат толку длабоко, на другите натпревари играа офанзивно, но сега се бранеа“, изјави Гвардиола.
Халанд беше двоен стрелец, а посебно го обележа натпреварот со неговиот акробатски гол.
„Видов кога топката влезе во голот. Неверојатно. Тој е толку висок и флексибилен, ми се допаѓа. Против Борусија Дортмунд постигна сличен гол пред неколку сезони, не знам кој беше потежок за реализирање.“, изјави Гвардиола.
Норвешкиот во Лигата на шампионите постигна 44 гола на 42 натпревари и со таа бројка на само 24 години се наоѓа на вечната листа. Рекордер тука е Кристијано Роналдо со 140 погодоци.