Неодамна беше одбиен предлогот да се скрати Серија А од 20 на 18 екипи. Иницијативата за скратување на лигата ја водеа Јувентс, Интер, Милан и Рома, додека останатите клубови не го поддржаа предлогот.
Одбивањето на помалите клубови за скратување на лигата до некаде е и очекувано, меѓутоа првиот човек на „росонерите“. Паоло Скарони е сигурен дека денот кога ќе дојде до скратување на лигата не е далеку.
„Најголем проблем се натпреварите кои мора да играме. Треба да се намалат за доброто на фудбалерите и нивното здравје. Јас лично сметам дека е неизбежно намалување на лигата на 18 клубови. Не треба да заборавиме дека Серија А во своите најдобри денови имаше 18 клубови“, потсети Скарони.
Последен пат кога најсилното италијанско првенство имало 18 екипи беше во сезоната 2003/2004.
Учество во игри на среќа е дозволено за лица со 18+ години. Играј одговорно!