Владата донесе одлука: Три милиони евра за помош на спортот!

Директорот на Агенцијата за млади и Спорт, Наумче Мојсоски на денешната прес-конференција соопшти дека Владата донела одлука за доделување на финансиска помош на македонскиот спорт.

Со оваа одлука 666 спортски клубови, 60 национални федерации и 173 индивидуални спортисти ќе добијат парична помош од државата, со цел да се надминат проблемите создадени со пандемијата со корнавирусот.

„Задоволство ми е што денес од тука и имам можност да зборувам за поддршка на спортот и спортските работници.

184,5 милиони денари, односно тримилиони евра , пари од државниот буџет ќе се насочат кон спортските субјекти на кои им е издаден ваучер согласно Законот за спорт. 666 спортски субјекти, 60 федерации и 173 спортисти досега добиле спортски ваучер. Ова е бројот на субјекти кои се опфатени со оваа мерка. Средствата од Буџетот на Македонија, се дел од програмите за справување со последиците од КОВИД-19 кризата. Веќе една година сме соочени со тешкотии и проблеми во функционирањето заради коронавирусот и финансиска поддршка на спортските чинители во државата е еднакво потребна.

Со оваа владина одлука, усвоена на 65-тата седница, на наменските сметки на спортските субјекти на кои им се издадени ваучери за 2021 година, ќе им бидат уплатени најмногу до 30% од вредноста на издадениот ваучер како еднократна финансиска помош, утврдена во официјалната листа на спортски субјекти кои се објавени на веб страната на Агенцијата за млади и спорт“, соопшти помеѓу другото Мојсоски.