Видео: Фетел го нарече Алонсо идиот!

Себастијан Фетел беше најбрз на вториот тренинг во Мексико Сити, но и покрај тоа возачот на Ферари во неколку наврати ги загуби нервите.

И покрај одличното возење, Фетел не беше среќен, и го нарече Фернандо Алонсо „идиот“ преку радио врската со својот тим.

Карлос Саинц потоа користеше ДРС на правецот, а Фетел кој возеше зад него за ваквиот потег прокоментира: „Треба да си прилично глуп да користиш ДРС за да се одбраниш”.

Сепак, тој не пропушти да се извини веднаш по завршувањето на тренингот, објаснувајќи:

„Сигурно нешто ми се случува. Во целиот град Мексико Сити сообраќајот денес беше ужасен, не само на патеката“.