Видео: Тевез го реши аргентинското Суперкласико

Бока Јуниорс го победи Ривер Плејт со 4:2 во 240-то Суперкласико, одиграно во рамките на 13-то коло во аргентинската Примера.

Гостите до големата победа стигнаа со пресврт во второто полувреме, а херојот на триумфот е Карлос Тевез кој постигна два гола.

Инаку, Бока стигна до водство со голот на Боу на асистенција на Тевез во 14-та минута, но до крајот на полувремето Ривер направи пресврт со головите на Дриуси и Алари.

Во вториот дел Бока направи целосен пресврт, најпрвин екс напаѓачот на Јунајтед и Сити, Карлос Тевез, постигна два гола за предност на Бока 3:2, а победата ја потврди Сентурион со голот постигнат во судиското надополнување на времето.

Со оваа победа Бока се искачи на лидерската позиција на табелата со 28 бодови, а Ривер е на деветтото место со девет бодови помалку.