Видео: Историска ноќ за Аталанта, Мурињо не е тоа што беше

Аталанта запиша историски триумф над Валенсија (4:1) во првиот осминафинален дуел во ЛШ. Мурињо поразен на домашен терен од Лајпциг (0:1)

Фудбалерите на Аталанта вечерва одиграа историски меч во Лигата на шампиони на преполниот Сан Сиро и се пред пласман во четвртфиналето.

Во 16-та минута Гомез одлично асистираше, а Хатебур погоди за водство од 1:0. Пред самиот крај на првото полувреме Иличиќ погоди за водство од 2:0.

Фреулер во 57-та минута со спектакуларен гол донесе водство од 3:0, а неколку минути подоцна Хатебур со својот втор гол погоди за „покер“ за Италијанците. Почесниот гол за гостите го постигна Чиришев во 66-та минута.

Лајпциг запиша голема победа на гости кај Тотенхем и се наоѓа пред историски пласман во четвртфиналето од Лигата на шампиони.

Мурињо имаше големи кадровски проблеми пред мечот, особено во нападот, па тоа се одрази и на резултатот.

Во првото полувреме мрежите мируваа, а во 58-та минута судијата покажа на белата точка. Тимо Вернер беше прецизен и го матираше Лорис.

До крајот видовме неколу шанси на двете страни, но резултатот остана непроменет.