Видео: Им досудија непостоечки пенал во последна минута за шампионска титула, а потоа…

Неверојатни сцени беа видени во последното коло од грузиското првенство во кое Динамо Тбилиси и Торпедо одлучуваа за шампионската титула.

Домаќинот Динамо влезе во натпреварот со два бода предност па реми му беше доволен за шампионска титула, меѓутоа тоа не се случи иако имаа голема судиска помош.

Торпедо ги шокираше домаќините во 74-та минута со голот на Капанадзе, што во тој момент значеше дека Динамо останува без титула. Меѓутоа, во 3-та минута од судиското продолжение арбитарот досуди непостоечки пенал, откако Ковталјук симулираше во казнетиот простор.

Уште по интересно беше што околу него немаше противнички играч, па јасно беше дека се работи за симулација. Гостинските играчи жестоко протестираа, но залудно.

Меѓутоа, правдата беше задоволена бидејќи голманот на Торпедо му го одбрани ударот на Кетишвили, со што натпреварот и официјално беше завршен.