Видео: Андетокумбо го предводеше Милвоки до победа – ќе има „мајсторка“!

Во единствениот натпревар од НБА плеј-офот изминатата вечер, Милвоки на свој паркет го совлада Бостон Селтикс со 97:88 и така стигна до изедначување во серијата 3:3.

На радост на сите љубители на НБА кошарката, сепак барем во една серија ќе гледаме максимални седум натпревари. Милвоки на домашен терен успеаа да слават во шестиот меч и да се изборат за мајсторка.

Селтикси си ја имаа првата меч топка, тргнаа добро. Водеа во текот на првата четвртина стигнаа и до +9, а добро играа и во текот на поголемиот дел од втората четвртина. Сепак, во самиот финиш од полувремето Милвоки со серија 10:2 дојде на +9 на полувремето и целосно го сврте овој натпревар.

Во текот на третата четвртина домаќинот имаше двоцифрена предност, но Бостон на два пати до крајот стигнуваше на -2, сепак на крајот успеаа рутински да го приведат мечот кон крајот.

Кај победниците, Јанис Андетокумбо очекувано беше најдобар со 31 поен и 14 скокови. На другата страна Џејсон Татум беше најефикасен со 22 поени.

Седмиот натпревар на програмата е во сабота од 22 часот.

??? #FearTheDeer pic.twitter.com/1gQ8urfJHQ

— NBA (@NBA) April 27, 2018