Венгер најави нова револуционерна промена во фудбалот

Легендарниот француски стратег Арсен Венгер кој работи во ФИФА како главен за развојот на фудбалот претходно зборуваше за организирање на СП на секои две години, а сега најави уште една промена.

Венгер откри дека на Мундијалот во Катар може да биде направена голема промена кога во прашање е офсајд позицијата.

„Постојат добри шанси офсајдот во 2022 да биде автоматски. Должен сум да ја чувам тајната, но многу е веројатно дека тоа ќе биде следниот голем напредок во судењето“, изјави Венгер.

Во овој момент се користи ВАР технологијата за да им помогне на судиите, но поради грешките кои се прават и во ваква ситуација ФИФА сака промена.