Дома Фудбал Лига на шампиони Валверде предупредува: Ништо не е готово, Јунајтед е опасен!

Валверде предупредува: Ништо не е готово, Јунајтед е опасен!

Тренерот на Барселона, Ернесто Валверде го анализираше реванш четвртфиналниот дуел од Лигата на шампиони против Манчестер Јунајтед.

Каталонците славеа на „Олд Трафорд“ со 1:0, но Валверде повика на претпазливост и потсети што и се случи на Барса минатата година против Рома.

„Постигнавме гол во гости, но ништо не е готово. Нема да калкулираме, ќе се обидеме да останеме доследни на нашиот стил и би било апсурндно да мислиме дека сме во предност поради првиот меч“.

„Не знам како ќе игра Јунајтед, но на претходните четири гостински натпревари оствари три победи и мораме да бидеме внимателни. Секој тим ќе биде верен на својот стил“, истакна Валверде.

„Го почитуваме Јунајтед, брзината и квалитетот на нивните играчи, ги почитуваме како тим поради се што имаат направено. Свесни сме за нивниот потенцијал и квалитет. Манчестер Јунајтед има нешто посебно во тие последни минути од натпреварите, видете што направија против Јувентус и ПСЖ“, заклучи Валверде, кој потоа даде коментар на распоредот во ЛШ.

„Каленардите се секогаш прилагодени за сите екипи, но апсурдно е четири тима да имаат шест слободни дена, а останатите тимови да имаат осум слободни дена. Логично е екипите кои играат во вторник и реваншите да ги играат во вторник“, истакна тренерот на Каталонците.

Коментари
Advertisements
Прочитајте поврзани статии
Load More In Лига на шампиони

Проверете

Сари за Лацио повика играч кој 993 дена не бил во составот на Јувентус

Хрватскиот офанзивец никако не успева да се наметне во Јувентус. Доаѓањето на Марко Пјаца …