Бурно кај Германците: Шведски новинар им понудил повратни карти – добил жесток одговор!

Несекојдневен инцидент се случил на тренингот на актуелниот светски шампион.

Германците не започнаа Мундијалот како што очекуваа, загубија од Мексико во натпреварот во кои беа фаворити, па во утрешниот натпревар против Шведска немаат право на кикс.

Шведските новинари веќе ги отпишаа Германците, па еден новинар од оваа земја се одлучи на интересен потег.

Имено, Скандинавецот му врачил две авионски карти за враќање дома на фудбалерот на Јувентус и репрезентативец на Германија, Сами Кедира. Алузијата е јасна Шведска сака победа во утрешниот натпревар со што Германија во тој случај би можела да ги загуби шансите за 1/8 финале.

Сами Кедира реагирал жестоко.

„Не ми требаат. Не ни требаат карти, не одиме дома, а мислам дека нема да ни бидат потребни повратни карти пред 16 јули“, одговорил играчот за врска.