Будуќност, Мега и Морнар го комплетираат полуфиналето во АБА Супер купот

Екипите на Мега и Будуќност и се приклучија на загрепска Цедевита во полуфиналето на кошаркарскиот АБА Супер куп, што се одржува во Бар.

Откако во првиот четвртфинален меч Цедевита го совлада тимот на ФМП со 86:68, во следните два Мега со 83:72 беше подобра од Игокеа, додека црногорскиот тим Будуќност ја победи Цибона со 96:90.

Денес во првиот полуфинален меч (18:45 часот) ќе играат Цедевита и Мега, односно во вториот (21 часот), а Будуќност ќе игра против Морнар кој го декласираше Партизан со 91:77 во четвртфиналниот дуел.

Финалето на програмата е в сабота од 21 часот.

Новата сезона во регионалната АБА лига ќе стартува на 29 септември, а во неа годинава Македонија ќе ја претставува само шампионот МЗТ Скопје Аеродром.