Братот на Киелини бил дел од шемата за измами во Јувентус

Братот близнак на бившиот капитен на Јувентус, Џорџо Киелини е дел од шемата за финансиски малверзации во Јувентус, објави „Газета дело Спорт“.

Весникот информацијата ја добил од обвинителството на Торино кое отвори обвинение против Јувентус.

Според информациите меѓу обвинетите е и Клаудио Киелини, кој имал улога на неофицијален надворежен сметководител.

Јувентус официјално е обвинет за фалсификување на финансиски извештаи и тајно плаќање на плати на фудбалерите со што клубот затајувал данок.

Поради овие обвиненија целиот борд на директори и претседателот поднесоа оставка и против нив ќе се води процес, а на клубот му се закануваат сериозни санкции.