Дома Фудбал Светско првенство во фудбал - Мундијал во Русија 2018 Бразил напаѓа со тешка артилерија, главната битка се води во Калининград!

Бразил напаѓа со тешка артилерија, главната битка се води во Калининград!

0

Битката за осминафиналните места на Мундијалот штотуку се разгоре, а денес на програмата имаме нови три дуели. Репрезентацијата на Бразил ќе ја бара својата прва победа, а за противник ќе ја има селекцијата на Костарика. Во истата група Србија игра дерби со Швајцарија, додека во групата Д силите ќе ги измерат Нигерија и Исланд.

Првиот меч на денешниот распоред го играат Бразил и Костарика од 14:00 часот во Санкт Петербург. „Кариоките“ после стартното реми немаат право на кикс, особено не против аутсајдерот Костарика. Бразилците беа загрижени поради Нејмар, кој се мачеше со повреда на стапалото, но првата ѕвезда ќе биде во комбинација за овој натпревар и ќе биде стартер со Жесус во нападот. Овие селекции имаат одиграно вкупно десет меѓусебни средби, Бразил има девет победи, а Костариканците се радувале само еднаш, во далечната 1960 година.

Бразил: Алисон – Данило, Тиаго Силва, Миранда, Марсело – Касемиро, Паулињо – Вилијан, Кутињо, Нејмар – Габриел Жесус.

Костарика: Навас, Калво, Дуарте, Акоста, Гонзалез, Гамбоа, Боргес, Гузман, Руиз, Венегас, Урена.


Следете го Sportski.mk и на


Според букмејкерите Бразил е апсолутен фаворит. Коефициентот за победа во Coinbet24 изнесува 1.23 за реми 5.90 додека за победа на Костарика коефициентот е 14.40.

Во 2 коло од групата Д ќе се сретнат Нигерија и Исланд од 17:00 часот, а овој натпревар додатно доби на тежина после поразот на Аргентина. Исланд сега има шанса против неубедливата Нигерија да исчекори кон историски пласман во елиминациската фаза, а од овој резултат и ќе се знае која е математиката за евентуален опстанок на „гаучосите“. Африканците делуваа неубедливо против Хрватска, но после поразот на Аргентина и за нив се отвара вратата за осминафинале со победа на овој меч, што на крајот може да се покаже и само услуга за „гаучосите“.

Нигерија: Узохо, Шеху, Трост-Еконг, Балогун, Идову, Ндиди, Оби Микел, Етебо, Мозес, Игало, Ивоби.

Исланд: Халдорсон – Севарсон, Арнасон, Сигурдсон, Магнусон – Халфредсон, Гунарсон – Сигурдсон, Бјарнасон, Гисласон – Финбогасон.

Според букмејкерите не очекува израмент дуел. Коефициентот во Coinbet24 за победа на Нигерија изнесува 2.88, за победа на Исланд 2.64, додека за реми коефициентот е 3.05.

Најинтересен се очекува да биде вечерашниот натпревар во кој силите ќе ги одмерат Србија и Швајцарија во 20 часот во Калининград. Двата тима поминаа одлично во првото коло. Србија ја совлада Костарика, додека Швајцарија освои значаен бод против Бразил. Поради тоа ова е клучен меч за двете селекции, бидејќи пораз ќе значи намалување на шансите за осминафинале. Станува збор за репрезентации со израмнет квалитет кои играат исклучително дисциплинирано и цврсто, па сигурно мали детали ќе одлучат за крајниот исход.

Србија: Стојковиќ, Ивановиќ, Миленковиќ, Тошиќ, Коларов, Матиќ, Миливојевиќ, Милинковиќ-Савиќ, Костиќ, Тадиќ, Митровиќ.

Швајцарија: Зомер, Лихтштајнер, Сар, Аканџи, Родригез, Бехрами, Џака, Шаќири, Џемаили, Цубер, Сеферовиќ.

И букмејкерите очекуваат израмнет дуел. Коефициентот во Coinbet24 за победа на Србија изнесува 2.68 додека за победа на Швајцарија 2.90, за реми коефициентот е 2.98.

Коментари
Advertisements
Прочитајте поврзани статии
Load More In Светско првенство во фудбал - Мундијал во Русија 2018

Проверете

Се чека само официјализација – ЕУРО 2024 ќе се игра во Германија

УЕФА во текот на следната седмица треба да го соопшти домаќинот за Европското првенство 20…