Бобан упати критики кон Клоп и Гвардиола

Легендата на Милан, Звонимир Бобан даде големо интервју за „Газета дело спорт“, во кое ги критикуваше менаџерите на Манчестер Сити, Пеп Гвардиола и на Ливерпул, Јирген Клоп.

Двајцата често се жалаат за тешкиот распоред, големиот број на натпревари за играчите во домашните конкуренции и Европа.

„Клоп и Гвардиола ја освојуваат Премиер лигата со своите клубови и секогаш стигнуваат до финалето или полуфиналето на Лигата на шампионите. Имаат 25 ѕвезди и пет замени, не разбирам зошто се жалат. Можеби тоа се само изговори, но не им се потребни. Разбирам дека во Англија имаат уште едно домашно натпреварување, но за тоа треба да се расправаат со својата лига“, изјави Бобан.

„Тие треба да разговараат со своите клубови кои се залагаат да играат повеќе европски натпревари бидејќи таму добиваат најмногу приходи“, додаде Бобан.