![](https://sportski.mk/wp-content/uploads/2023/03/Screenshot_9-11-850x491.jpg)
Реал Мадрид се уште верува во Карло Анчелоти, но вeќе во медиумите се погласно се пишува за негова смена. Во потесниот круг можни наследници ако замине е и Томас Тухел.
„Билд“ денеска објави дека Германецот веќе некое време учи шпански и се надева на работа во Ла Лига.
Лига Нации: Се освен прво место ќе биде катастрофа за Македонија! ↓↓↓
Мали се шансите тоа да биде Барселона, бидејќи Чави Ернандез ја има максималната доверба од Жоан Лапорта, но истото не може да се каже за Флорентино Перез и Карло Анчелоти.
Токму поразите од Барселона оваа сезона и негативата од девет поени пред „Ел Класико“ го натераа Перез да размислува за потенцијална промена на крајот од сезоната.
Тухел наводно е прв на листата на желби, но не е единствениот, бидејќи по него се Маурицио Покетино, Чаби Алонсо и Раул Гонзалес, тврди „Билд“.
Тухел е без работа од септември кога доби отказ од Челзи и оттогаш ја чека вистинската понуда.