Бенитез за дуелот помеѓу Реал и Ливерпул: Една работа ќе биде клучна!

Искусниот шпански стратег Рафа Бенитез даде свое мислење за престојниот дуел во Лигата на шампиони помеѓу Реал Мадрид и Ливерпул.

Бентиез смета дека празните трибини ќе бидат предност за Реал, но тврди дека клучно ќе биде кој ќе го наметне своето темпо на игра.

„Мислам дека празните трибини повеќе му одговараат на Реал, тие имаат мала предност. Атмосферата на Енфилд може да им помогне многу на домаќините, но сега тие играат без навивачи поради пандемијата. Најдобар пример за атмосферата на Енфилд е пресвртот против Барселона со оние 4:0“, истакна Бенитез.

„Ливерпул ќе сака да игра брзо, а Реал ќе се обиде да ја успори играта. Тоа ќе биде клучно – тимот кој ќе го наметне своето темпо веројатно ќе победи“, додаде Шпанецот.