Бензема испиша историја: Никој во Реал претходно не го направил она што него му успеа!

Карим Бензема денес постигна хет-трик во победата на Реал Мадрид над Атлетик Билбао (3:0).

Со овие три погодоци одличниот Французин ја продолжи добрата форма во која се наоѓа. Бензема игра како препороден од доаѓањето на Зидан во клубот, а денес влезе во историјата на клубот.

Со трите гола против Атлетико, Бензема стигна до бројката од осум гола во низа без некој друг играч на Реал во тој период да постигне гол. Навистина ова е фантастичен податок за Бензема, но веројатно не е баш добар за Реал Мадрид.

Токму по ова Бензема е единствеен во 117 годишната историја на клубот. Иако дресот на Реал досега го носеле многу ѕвезди и легенди како Роналдо, Ди Стефано, Раул, Пушкаш…Никој друг не постигнал осум голови во низа за тимот без друг играч да биде во меѓувреме стрелец.