Белоти: Немаше да биде незаслужено ако го победевме Јувентус

Aндреа Белоти вчера со својот гол му донесе реми на Торино во градското дерби против Јувентус.

Веќе неколку преодни рокови Белоти се поврзува со заминување од Торино, а голема е веројатноста дека ќе ги напушти „биковите“ на крајот од сезоната кога му истекува договорот.

„Штета е што не победивме. Одигравме одличен натпревар и немаше да биде незаслужено ако го победиме Јувентус. Нормално дека голот беше важен и за мене и за целиот тим“.

Беше ли ова негово последно дерби на Торино?

„Не знам, но ако е последно горд сум како одигравме заедно со моите соиграчи“, изјави Белоти.