Белгијците обвинуваат: Реал го „наместил“ позитивниот тест на Азар!?

Реал Мадрид вчера соопшти дека има двајца позитивни на коронавирус, а тоа се Еден Азар и Касемиро, кои веднаш се испратени во изолација.

Сепак, од Белгија постојат сомнежи за резултатите од тестовите на Ковид-19 во „кралскиот“ клуб.

Од утре почнуваат собирите за репрезентациите бидејќи се игра завршницата во Лигата на нации, а од Белгија постои сомнеж дека тестовите не се точни, односно резултатите ги „наместил“ Реал Мадрид затоа што не сака да го пушти Азар.

Азар неодамна се врати на терените по повредата, па најверојатно Реал не сакал да ризикува тој пак ќе се повреди, па затоа од Белгија ја побараа целосната документација за да откријат дали нивниот репрезентативец навистина е позитивен на коронавирусот.