Батшауи игра одлично, а ако Борусија сака да го задржи мора да издвои рекордна сума

Oд невообичаениот „триаголник“ Дортмунд – Челзи – Арсенал, кој се случи во зимскиот преоден рок, барем засега најмногу профитираше Борусија Дортмунд.

За Арсенал да го добие Пјер-Емерик Обамејанг мораше да го продаде Оливие Жиру на Челзи, а тие пак да го продадат Батшуаи на „милионерите“.

И додека Жиру во Челзи практично не направи ништо, а Обамејанг се уште се уигрува во Арсенал, Мичу Батшуаи на девет настапи за Борусија Дортмунд постигна седум погодоци и во Дортмунд сериозно размислуваат да го откупат Белгиецот од Челзи.

Но за тоа ќе мораат добро да му платат на Челзи кој знае дека клупската каса „милионерите“ не е празна бидејќи Дортмунд го продаде Обамејанг за 65 милиони евра.

Германски „Билд“ пишува дека Борусија ќе мора да плати најмалку 60 милиони евра. Доколку тоа навистина се случи Батшуаи без конкуренција би станал најплатен играч во историјата на Борусија.

Рекордот во овој момент го држи Андре Шурле кој минатото лето беше доведен од Волфсбург за сума од 30 милиони евра.