Бартомеу потврди: Позната иднината на Тер Штеген

Подолго време Барселона и Тер Штеген преговараа околу новиот договор и сега договорот помеѓу двете страни е постигнат.

Претседателот Хозе Марија Бартомеу гостувајќи во телевизијата „БеИН“ потврди дека има договор помеѓу клубот и голманот и тоа сигурно ги израдува навивачите.

Тер Штеген така ќе потпише нов договор кој ќе има важност до 2025 година и со него ќе добие значително поголема плата.

Договорот официјално ќе биде потпишан пред почетокот на наредната сезона затоа што сега главниот фокус е на Лигата на шампионите.

Во Барселона Тер Штеген пристигна во 2014 година од редовите на Борусија Менхенгладбах и неговото доведување се покажа како одличен потег на управата.