Барселона доби нов претседател: Лапорта убедливо стигна до победата

Жоан Лапорта победи на изборите за претседател на Барселона!

Барселона неколку месеци беше без претседател откако Бартомеу си поднесе оставка. Поради пандемијата изборите место на 24. јануари се одржаа вчера на 7. март.

Навивачите на каталонскиот клуб можеа да бираат помеѓу тројца кандидати: Лапорта, Виктор Фонт и Тони Фреиша, а на крајот убедливо победи Лапорта кој освои дури 58% од гласовите. Откако стана јасно дека Лапорта ќе биде победникот, Фонт и Фреиша дојдоа и му честитаа на победата.

Fair play entre los 3⃣ candidatos pic.twitter.com/jQTTYwmrPc

— FC Barcelona (@FCBarcelona_es) March 7, 2021

Лапорта така се врати на функцијата претседател Барселона која со многу успех ја извршуваше од 2003 до 2010 година. Тогаш направи ремонт во клубот и Барселона имаше фантастични резултати. Додека тој беше претседател на Барселона клубот освои 12 титули, четири во Ла Лига, две во Лигата на шампионите, три Суперкупа на Шпанија, кралски куп, УЕФА Суперкуп и ФИФА Светско клупско првенство.