Барди со двата гола против Селта испиша историја во Леванте

Македонскиот репрезентативец Енис Барди вчера одигра одличен натпревар во победата на Леванте на гости кај Селта.

Барди уште во првото полувреме постигна два гола, а треба да се спомене дека ова беше и негов јубилеен 100-ти натпревари во дресот на Леванте.

Со овие два гола Барди испиша историја во Леванте и стана најефикасниот странец во историјата на клубот во првите 100 натпревари.

Сезонава македонскиот фудбалер зад своето име има седум гола, а посебно добро игра по рестартот на Ла Лига. Токму поради тоа медиумите пред некое време на големо го поврзуваа со трансфер во редовите на Арсенал.