Балотели во свој стил: ПСЖ е како Генгамп

Контроверзниот италијански напаѓач, Марио Балотели во свој стил објасни зошто ПСЖ беше елиминиран уште во осминафиналето од Лигата на шампиони.

Балотели смета дека ПСЖ е само еден обичен француски тим, исто како Гингамп.

„Не знам зошто се прави толкава драма. ПСЖ е еден обичен тим од Франција и се на исто ново, да речеме како Генгамп“, изјави Балотели.

„Сезонава ги имам гледано само еднаш против Реал Мадрид. Тие заслужија да загубат. Срамно е да се види дека се елиминирани толку рано во ЛШ. Проблемот е што парите купуваат играчи, но не можат да купат тим“, заклучи Италијанецот.