„Баерн е шампион, ние само сакаме пласман во ЛШ“

Минхенски Баерн е се поблиску до освојување на титулата во Бундеслигата.

Баварците на пет кола пред крајот имаат седум бода повеќе од Борусија Дортмунд и тешко е да се очекува дека тимот од Минхен ќе ја прокоцка големата предност.

Во редовите на тимот од Дортмунд одамна се предадоа кога е во прашање борбата за титулата. За тоа јасно покажува денешната изјава на спортскиот директор, Михаел Зорц.

„Баерн на крајот ќе биде првак. Ние сакаме да завршиме на второто место и да се пласираме во ЛШ.“ – изјави Зорц.

Борусија со денешната победа над Падерборн (1:6) остана на втората позиција со 60 бода, четири повеќе во однос на Менхенглабах и Леверкузен.