Ајакс игра фантастична сезона и се пласира во полуфиналето од Лигата на шампиони, а еден од најзаслужните за успехот е секако тренерот, Ерик Тен Хаг.
Половина тим на Ајакс е на мета на богатите европски клубови, многу од фудбалерите ќе заминат на крајот на сезоната, но затоа раководството на Ајакс реши да го задржи тренерот Тенх Хаг и му спреми нов договор.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
Сегашниот договор на 49-годишниот Холанѓанец е до крајот на следната сезона, но раководството му нуди нов договор до летото 2024 година.
Спортскиот директор на тимот од Амстердам, Марк Овермарс, изјави дека преговорите ќе започнат наскоро и очекува двете страни брзо да најдат заеднички јазик.
„Овие денови треба да се видеме со Ерик за да разговараме за се. Верувам дека се ќе биде во најдобар ред. Тој е многу успешен во својата работа и продолжување на соработката ќе биде добра вест за Ајакс“, изјави Овермарс.
Холандските медиуми пренесуваат дека новиот договор на тренерот е само формалност.
Учество во игри на среќа е дозволено за лица со 18+ години. Играј одговорно!