Анчелоти: Најдобрите тројца играчи во светот играат за Реал Мадрид

Реал Мадрид во овој момент е првопласиран на табелата во Ла Лига со 61 бод, а за викендот ја победи екипата на Жирона со убедливи 4:0.

Тренерот Карло Анчелоти секако беше задоволен од изданието на неговите фудбалери против вториот тим на табелата, а истакна и дека според него тројцата најдобри фудбалери во светот во овој момент го носат дресот на Реал Мадрид.

„Винисиус, Белингам и Родриго во овој момент се најдобрите играчи на светот. Потоа тука се Тони Крос, Федерико Валверде, Едуардо Камвинга…“, изјави Анчелоти.

Новинарите ги интересираше дали Килијан Мбапе ова лето конечно ќе го облече дресот на Реал Мадрид.

„Вие зборувате за други клубови, но јас зборувам за играчите само од мојот клуб. Правам се за да го извлечам најдоброто од нив и ми изгледа дека добро ми оди во тоа“, порача италијанскиот стратег.