Анчелоти најде начин да ги „казни“ играчите на Баерн!?

Тренерот на Баерн Минхен, Карло Анчелоти најде начин како индиректно да ги казни своите играчи поради лошите резултати во последно време.

Баварскиот гигант е без победа во последните три натпревари, а вечерва играат со ПСВ во рамките на ЛШ.

Италијанскиот тренер пред овој натпревар одлучи да го промени терминот на собирање на екипата. Наместо до сега вообичаеното доаѓање во хотел во 11 часот наутро, од сега ќе мораат заедно да спијат во хотел вечерта пред натпревар.

„Уште порано оваа сезона реков дека тоа може да стане пракса пред важни натпревари, а овој е многу важен натпревар“, изјави Анчелоти.