Анчелоти во јануари добива неочекувано „засилување“

Реал Мадрид оваа сезона има големи проблеми со повредите,особено во одбраната, а сега Анчелоти конечно доби добри вести.

Анчелоти многу брзо ќе добие „засилување“ во својот тим. Сепак, не се работи за ангажирање нов фудбалер, затоа што од јануари на теренот треба да се врати Алаба.

Австрискиот фудбалер пред една година доживеа тешка повреда на коленото. Месеци му беа потребни за опоравување и не му беше дозволено да се врати на тренинзите сè додека коленото целосно не се излечи.

Последните информации се дека добро се опоравува и од јануари треба да се врати на терените.