Антиќ: Јас не, но сигурно може повторно да придонесе Мекејлеб за репрезентацијата

Во понеделник, селекторот на машката кошаркарска репрезентација, Јорданчо Давитков ќе го комплетира списокот играчи за двата меча против Словачка и Швајцарија, во рамки на претквалификациските меча за ЕП.

Перо Антиќ сепак, познато е дека нема да биде дел од националниот состав, иако тоа претходно беше најавувано.

„Јас се повлеков, а моето име е на списокот затоа што сакаат нешто да докажат“, истакна Антиќ во интервју а Еурохупс.

Во националниот тим, посочи Антиќ би сакал да го види Мекејлеб кој е во финалната тројка Американци заедно со Хендрикс и Теодор.

„Искрен да бидам, би сакал да го видам Мекејлеб во финалниот избор, тој многу придонесе за нашиот национален состав. Сепак, ова е и можностза сите млади кошаркарски таленти“, заклучи Антиќ.