Англичаните ја сфатија грешката, го враќаат стариот систем на работа?

Пред две години клубовите од Премиер лигата одлучија преодниот рок да заврши ден пред почетокот на новата сезона.

Оваа идеја беше поддржана од повеќе клубови, но како што стојат работите сфатиле дека направиле голема грешка.

Наредната недела ќе биде одржан состанок со челниците на клубовите, а постојат големи шанси да ја поддржат идејата да се работи по стариот принцип.

Најголемиот проблем во последниот преоден рок е што тој заврши многу порано од останатите лиги.

Па така, на пример, Манчестер Јунајтед после продавањето на Лукаку и заминувањето на Санчез не можеше да најде адекватна замена за нив.