Алегри: Ужасен натпревар на двете екипи

„Искрено, ужасен натпревар на двете екипи, скоро да немаше шутеви во рамките на голот. Игравме лошо, но мораше да издржиме до крајот. Така дозволивме Наполи да не порази и да се врати во трката за титулата. Не ја исполнивме целта, но и таквите работи се возможни во фудбалот.“ – изјави Алегри и додаде:

„Ова треба да го заборавиме и да се свртиме кон следниот натпревар против Интер. Мислам дека тоа ќе биде одлучувачки натпревар за нас во оваа сезона. И натаму сме први, имаме бод предност но не заборавајте дека имаме подобра гол разлика. До крајот има уште четири натпревари, два на домашен терен, два на гости, па ќе видиме.“

„Наполи на некој начин заслужи да победи затоа што беше малку подобар. Не знам дали ова е најлошиот натпревар за нас во оваа сезона, но знам дека трката за титулата ќе трае до крајот. До 29. мај. До тогаш ништо нема да се знае, кој може нешто да гарантира во фудбалот?“ – заврши Алегри.