Алегри се огласи по најавите дека ќе добие отказ во Јувентус

Како што стојат работите, Масимилијано Алегри на крајот од сезоната ќе го напушти Јувентус. Италијанскиот стратег не ги оправда очекувањата и не дојде до титулата во Серија А.

Навивачите очекуваат промена, а се најавува дека Јувентус има договор со Тијаго Мота кој прави чуда со Болоња.

Новинарите сега го запрашаа самиот Алегри да ги коментира ваквите најави.

„Не би ги коментирал таквите шпекулации. Моја цел е на Јувентус да му обезбедам место во Лигата на шампионите. Клубот ќе одлучува што понатаму“, изјави Алегри.