Новиот бразилски селектор, Мано Менезес го објави списокот фудбалери за пријателскиот натпревар против САД, во кој се наоѓаат само четири играчи кои учествуваа на неодамнешниот Мундијал во Јужна Африка.

Тоа се Дани Алвес, Рамирес, Тиаго Силва и Робињо. Менезес во репрезентацијата го врати напаѓачот на Милан Александре Пато, а повика и 11 дебитанти.

Интересно, ги нема досегашните ѕвезди на Интер Жулио Цезар, Маикон и Лусио, како и нивните колеги од Серија А, Дони, Жуан, Жулио Баптиста и Фелипе Мело, а не се повикани ниту Кака и Луис Фабијано.

Нивното место го заземаат воглавно млади фудбалери од бразилската лига.

„Ова е период на закрепнување и не е неопходно да се повикуваат најдобрите. Сакам да им пружам можност и на други играчи. Но, не значи дека само затоа што некој игра во Европа, ќе биде повикан“, објасни Менезес.

Голмани: Jefferson (Botafogo), Renan (Avai), Victor (Gremio)

Одбрана: Andre Santos (Fenerbahce), Dani Alves (Barcelona), Marcelo (Real Madrid), Rafael (Manchester United), David Luis (Benfica), Henrique (Racing Santander), Rever (Atletico Mineiro), Thiago Silva (AC Milan)

Среден ред: Carlos Eduardo (Hoffenheim), Ederson (Olympique Lyon), Paulo Henrique Ganso (Santos), Hernanes (Sao Paulo), Jucilei (Corinthians), Lucas (Liverpool), Ramires (Benfica), Sandro (Internacional)

Напад: Alexandre Pato (AC Milan), Andre (Santos), Diego Tardelli (Atletico Mineiro), Neymar (Santos), Robinho (Santos)