Јанузај открива: Тој е причината за мојот неуспех во Јунајтед

Аднан Јанузај истакна дека неговиот неуспех во Манчестер Јунајтед е поради однесувањето на Луис Ван Гал.

Се сеќавате на моментите кога Аднан Јанузај заигра за Манчестер Јунајтед?

Беше тоа во сезоната 2013/2014, тогаш Сер Алекс Фергусон го уфрли во првиот тим и беше претставен како голем потенцијал и некој кој би можел да биде наследник на Роналдо или Гигс.

Сепак, никогаш не успеа да се наместне во Манчестер Јунајтед.

Беше на позајмица во Борусија Дортмунд каде скоро и да не играше, како и и во Сандерленд, а после таа неуспешна приказна не остана ниту во Манчестер Јунајтед туку стана фудбалер на Реал Сосиедад во Примера.

„Кај Луис Ван Гал немав слободно. Ништо не беше исто како претходно, со него игравме навистина бавно. Забележав дека моите соиграчи не уживаат играјќи фудбал, а сите можеа да забележат дека ниту јас не сум оној стариот“, изјави Аднан Јанузај, откривајќи дека Луис Ван Гал е причината за неговиот неуспех.