Бундеслигашот Шалке по завршувањето на сезоната планира да го откупи од Севиља договорот на Јевхен Конопљанка, пренесуваат германските медиуми.
Украинскиот крилен напаѓач, на почетокот на сезоната, Севиља го испрати во Гелзенкирхен, чие раководство е задоволно од она што тој го прикажува на натпреварите.
Вака се слави гол во 120-та минута!!! ↓↓↓
„Иако не играше во неделата против Келн, ние сакаме да го задржиме и тоа и ќе го направиме. Конопљанка може да биде многу значаен играч за нас. Никој во Шалке не се сомнева во неговите фудбалски квалитети“, изјави спортскиот директор на клубот Криситијан Хајдл.
Конопљанка сезонава во Бундеслигата има постигнато пет голови на 16 натпревари колку што одигра, а Шалке неговиот договор ќе го откупи за сума од 12 милиони евра.