Норвежанецот Даниел Андре Танде победи на скокалницата во Инсбрук, третата станица на Новогодишната турнеја и го презеде водството во вкупниот пласман.
Поради лошите временски услови, во Инсбрук, се одржа само една серија. Натпреварот покрај победникот го обележа и легендарниот Јапонец, Нориаки Касаи, кој јубилеен 100-ти пат настапи на Новогодишната турнеја. Касаи годинава ќе наполни 45 години.
Кој ќе тепа на Ел Класико!? ↓↓↓
Норвежанецот Танде го немаше најдолгиот скок, забележа 128,5 метри, но освоените 125,7 поени му беа доволни да ја освои првата позиција. Танде во Инсбрук ја забележа втората победа на Новогодишната турнеја, откако победи и на вториот натпревар во Гармиш Партенкирхен.
Второто место го освои сонародникот на Танде, Роберт Јохансон, кој го имаше најдолгиот скок од 133 метри, додека на третата позиција се пласира Русинот Евгениј Климов кој имаше скок од 127 метри.
Во пресрет на последната скокалница, во Бишофсхофен, Танде во вкупниот пласман има 1,7 бодови повеќе од втропласираниот Камил Стох од Полска.
Учество во игри на среќа е дозволено за лица со 18+ години. Играј одговорно!