Селта е последна надеж за Барселона: Малага има милион причини да загуби од Реал

Real Madrid's players celebrate a goal by Real Madrid's Portuguese forward Cristiano Ronaldo celebrate during the UEFA Champions League quarter-final second leg football match Real Madrid vs FC Bayern Munich at the Santiago Bernabeu stadium in Madrid in Madrid on April 18, 2017. / AFP PHOTO / GERARD JULIEN (Photo credit should read GERARD JULIEN/AFP/Getty Images)

Мртвата трка за титулата во шпанското првенство помеѓу Барселона и Реал Мадрид и понатаму продолжува.

Барселона во моментов е лидер со 87 бода, колку што има и Реал Мадрид, но има и натпревар помалку. Поконкретно, Реал сам одлучува за својата судбина и доколку освои 4 бода од следните два натпревари, ќе стане новиот шампион на Шпанија.

За Барселона последна надеж е Селта. Тимот од Виго во среда ќе го пречека Реал Мадрид, а Барселона верува дека Селта може да го победи Реал. Ако тоа не се случи, Реал Мадрид речиси сигурно ќе биде новиот шампион.

Имено, Реал во последното коло гостува во Малага, а претседателот на тој клуб неодамна предизвика скандал, изјавувајќи дека ќе се потруди Барселона да не ја освои титулата. Покрај тоа, доколку Реал Мадрид биде шампион на Шпанија, касата на Малага ќе биде побогата за милион евра.

Иско летото 2013. година се пресели од Малага во Реал Мадрид, а во клаузулата од договорот имаше доколку Иско освои титула со Реал, „Кралскиот клуб“ ќе мора да им плати дополнителни милион евра на Малага.