Проблеми за Македонија – Маркоски во аут, Миркулоски неизвесен!

Македонската ракометна селекција утрово ги продолжи подготовките во пресрет на последните два клучни натпревари во квалификациите за ЕП 2018 против Украина и Чешка.

Меѓутоа селекторот Раул Гонзалес се соочува со проблеми со повреди на двајца стандардни репрезентативци. Филип Миркуловски е неизвесен, а Велко Марковски и дефинитивно нема да настапи.

Маркоски со повреда пристигна на репрезентативниот собир, а денеска и дефинитивно е ослободен од обврските откако стана јасно дека нема да може комплетно да одговори на предизвикот.

Миркуловски, пак, заработи повреда за време на подготовките, сега е под посебен режим, но се очекува да собере сили и да им помогне на соиграчите на дуелите со Украина на гости во четврток и против Чешка в недела во Скопје.