Повеќе нема дилеми, Обамејанг заминува – еве каде!

Кој прв ќе стигне до потписот на одличниот напаѓач?

Најдобриот фудбалер на Борусија Дортмунд, Пјер-Емерик Обамејанг побарал од управата на клубот да го напушти клубот оваа сезона. Како што пренесува добро информираниот „Bild“, Габонецот оваа недела се сретнал со управата на клубот и им соопштил дека сака да си замине, бидејќи не може да се бори за најголемите трофеи.

Обамејанг зад себе има уште една одлична сезона, беше прв стрелец во Бундеслигата со 31 гол и време е да го искористи вистинското време за да си замине. За него најмногу се заинтересирани англиските клубови, Манчестер Јунајтед, Манчестер Сити и Челзи, а во приказната секогаш е и ПСЖ.

Секако, Обамејанг ќе си оди таму каде што најмногу ќе платат за него, Дортмунд ќе сака што повеќе пари, а се претпоставува дека нема да си замине за помалку од 60-70 милиони евра.

Тој за четири сезони во Германија постигна 119 гола и покажа дека е за големи дела, а останува да видиме со кој клуб ќе ги нападне трофеите. Сити, Јунајтед, Челзи, ПСЖ или сосема петти?