Победа во одлична форма, голманот Талески заслужува повик во репрезентација!

Во таборот на Победа очекуваат прв овосезонски триумф над Македонија со кој би биле на чекор до директен опстанок.

Во финишот на првенството прилепска Победа е во најдобра форма од 12-тте прволигаши. Ако се анализираат последните 5 кола Победа има 4 победи и само еден пораз, резултати кои клубот го издигнаа место погоре на прволигашката табела.

Голманот на Победа, Давор Талески, кој брани во репрезентативна форма вели дека сега е вистински момен за победа над Македонија ЃП.

„Како што изјавив во неколку наврати претходно додека има теоретски шанси ние ќе се бориме и за директен опстанок. Покажавме дека сме најдобри кога е најпотребно, така да сега се е во наши раце. Тоа значи дека до крајот на првенството има уште 3 натпревари и се надевам на 3 позитивни резултати. Време е за победа против Македонија Ѓ.П.! Нема калкулирање одиме на победа! Иако Македонија Ѓ.П веќе е во Втората лига не смееме да ги потцениме. Имаат млади фудбалери кои знаат да играат добар фудбал, но ние се спремаме за нови 3 бода. Самодовербата и мотивот се на највисоко ниво и со максимално ангажирање на моите соиграчи и подршка од нашите навивачи победата не смее да биде доведена во прашање“, истакна Талески.

Свесен за тоа тој одлично ја заврши работата и пролетва брани во одлична форма. Фактот дека е најмлад чувар на мрежата во Првата лига, а згора на тоа и капитен, зборува за довербата што му е дадена но и фактот дека тој максимално ја оправдал.

Со своите одбрани (419 минути е без примен гол на мечевите во Прилеп) серизно ја наметнува својата кандидатура и не би било неоправдано туку напротив и сосема заслужено да се најде на списокот на селекторот на младата репрезентација Благоја Милевски за настап на престојното Европско првенство во Полска.