Шпанскиот фудбалски гигант Реал Мадрид го претстави новото засилување, 16-годишниот бразилски „виндеркинд“ Винисиус Џуниор.
Реал за талентираниот напаѓач, кого го нарекуваат новиот Нејмар на Фламенго му плати неверојатни 45 милиони евра.
Кој ќе тепа на Ел Класико!? ↓↓↓
Винисиус ќе се пресели на „Сантиаго Бернабеу“ во јули 2019 година кога ќе стане полнолетен, а до тогаш ќе игра како позајмен фудбалер во Фламенго.
Според наводите на бразилските медиуми „кралскиот“ клуб веднаш ќе плати 30 милиони евра, а преостанатите 15 во три годишни рати по пет милиони евра.
Голем интерес за младиот Бразилец покажаа и англиските клубови Челзи, Манчестер Јунајтед, Ливерпул и Сити како и Јувентус, но Реал успеа да ја победи конкуренцијата.