Мурињо не се откажува – ја сака ѕвездата на Рома!

Англиските медиуми пренесуваат дека Жозе Мурињо испратил скаути на „Олимпико“ на мечот Рома – Атлетико Мадрид и барал извештај за перформансите на Раџа Наинголан.

Белгискиот репрезентативец беше трансфер мета на Манчестер Јунајтед и за време на летниот преоден рок, па очигледно Мурињо не се откажал од намерата да го донесе на „Олд Трафорд“.

Наинголан неодамна го продолжи договорот со Рома до 2021 година, па Мурињо ќе мора да го одврзе кесето доколку за да го добие неговиот потпис.

Сепак, доколку Рома не успее да избори пласман во Лигата на шампионите ќе мора да продаде една од своите ѕвезди, а „црвените ѓаволи“ нема да имаат проблем да искешираат 50 милиони евра за Белгиецот.