Марота го возвраќа ударот, двоецот од Милан пред трансфер во Јувентус!

Како што пренесуваат италијанските медиуми, двајца фудбалери на Милан наскоро би можеле да го облечат црно-белиот дрес.

Милан пред неколку денови во свите редови го доведе Леонардо Бонучи од редовите на Јувентус во трансфер вреден 42 милиони евра. Овој расплет на ситуацијата ги изненади сите, а сега управата на Јувентус спрема контранапад.

Имено, пред трансфер во Јувентус се наоѓа дефанзивецот Матиа Де Шиљо, кој е на радарот на шампионот на Италија веќе подолго време, но тој не е единствен, тука и младиот играч од средината Мануел Локатели.

Де Шиљо одби да го продолжи договорот со Милан и веројатно е само прашање на време кога ќе го напушти „Сан Сиро“. Кога во прашање е Локатели, тој би можел да замине поради големата конкуренција (Кеси, Биља, Чалханоглу), но само на позајмица од една година, интерес покажаа Аталата, Сасуоло и Спал кои сакаа да го доведат во своите редови.

Сепак, после интересот на Јувентус ситуацијата може да се промени, па Локатели би можел и во целост да ги напушти редовите на Милан и да се пресели во Торино, а одредени медиуми пишуваат дека и самиот фудбалер побарал трансфер.

Да, потсетиме, Локатели минатата сезона постигна два погодоци, но еден беше фантастичен и тоа токму против Јувентус.