Кочаман: Вардар си ги искористи единствените прилики, признавам си ја отежнавме работата

Вардар славеше сензационално на „Телеком Арената“  против Фенербахче со 2:0.

„Минуваме низ еден интересен период. Нашата цел беше да обезбедиме позитивен резултат, по што психички би се подготвиле за мечот во лигата, но сега можам да кажам дека си ја отежнавме работата. Во текот на целиот меч одигравме добро, нашиот противник немаше ниту еден организиран напад, но со шансите што им ги понудивме значително си отежнавме себеси. Од овој момент треба да се подготвиме психички подобро и да гледаме напред кон двата дуели и оној во лигата и оној против Вардар во Турција за една недела“, истакна тренерот на турскиот гигант.